لاہور(کنزیو مر واچ نیوز)آپریشن بنیان مرصوص کی کامیابی کے بعد بارڈر سے واپس آنے والے پاک فوج کے دستوں کا زندہ دلانِ لاہور نے شاندار استقبال کیا۔ شہریوں نے جوانوں پر پھول نچھاور کیے اور پاک فوج کے ساتھ بھرپور یکجہتی کا مظاہرہ کیا۔لاہورمیں بارڈر سے واپس آنے والے پاک فوج کےدستوں کا والہانہ استقبال کیاگیا۔شہریوں نے پھولوں کی پتیاں نچھاور کیں اورجوانوں کے ساتھ ٹینکوں پر بھی محبت کا اظہار کیا۔آپریشن بنیان مرصوص کی کامیابی پر لاہور کے شہریوں نے پاک فوج کو زبردست خراج تحسین پیش کیا۔قومی پرچم تھامے نوجوان، بزرگ اور بچےفخر ومسرت سے جھومتے نظر آئے،پاک فوج زندہ باد” کےفلک شگاف نعرے گونجتے رہے اور جشن کا سماں بندھ گیا۔شہریوں نے ہمیشہ پاک فوج کے ساتھ کھڑے رہنے کے عزم کا اعادہ کیا اور وطن سے وابستگی کا اظہار کیا۔
بارڈر سے واپسی پر پاک فوج کا لاہور میں والہانہ استقبال
