بڑی جنگ ہوئی تو پھر اس خطے تک محدود نہیں رہے گی،خواجہ آصف

اسلام آباد(کنزیو مرواچ نیوز)وزیر دفاع خواجہ آصف نے کہا ہے کہ پاکستان کی بقا کے لیے بھارت کو جواب دینا بہت ضروری تھا، بھارت کو جواب ملنے کے بعد ان کے لیے صلح کی طرف آنا مشکل ہوگیا، بھارت معاملے کو طول دے گا تو اس کا مزید نقصان ہوگا، اگلے لیول کے لیے بھی تیار ہیں، بڑی جنگ ہوئی تو پھر اس خطے تک محدود نہیں رہے گی، تاہم ایٹمی جنگ کا امکان نہیں ہے۔نجی ٹی وی پر گفتگو میں خواجہ آصف نے کہا کہ جوہری ہتھیار استعمال کرنے آپشن اس وقت زیر غور نہیں ہے، بھارت کے ساتھ تناؤ بڑھ رہا ہے، لیکن اگر صورت حال اس طرف بڑھتی ہے تو ’تماش بین‘ بھی متاثر ہوں گے۔