بھارت نے ستلج میں مزید پانی چھوڑ دیا،سینکڑوں دیہات ڈوب گئے

لاہور (کنزیومر واچ نیوز): بھارت کی جانب سے دریائے ستلج میں مزید پانی چھوڑنے کے باعث بہاؤ میں تیزی آگئی ہے۔ پی ڈی ایم اے پنجاب کے مطابق ہریکے اور فیروزپور ڈاؤن اسٹریم سمیت ہیڈ سلیمانکی پر اونچے درجے کا سیلاب ہے۔ ضلع پاکپتن میں 23 دیہات مکمل جبکہ 53 جزوی طور پر ڈوب گئے، 64 ہزار سے زائد افراد متاثر اور 66 ہزار ایکڑ رقبہ زیرِ آب آچکا ہے۔ اب تک 24 ہزار 974 افراد کا انخلا اور 4 ہزار سے زائد مویشی محفوظ مقامات پر منتقل کیے گئے ہیں۔ فصلوں کی تباہی اور پانی کھڑا رہنے سے بیماریوں کے پھوٹنے کا بھی خدشہ ہے۔