کینیڈا کے شہر ٹورنٹو میں پاکستانی کمیونٹی کی جانب سے منعقد ہونے والی تقریبات ہمیشہ سے ہی اپنی رونق، ثقافتی رنگا رنگی اور باہمی محبت کی وجہ سے مشہور ہیں۔ ایسی ہی ایک شاندار اور یادگار دعوت کا اہتمام معروف شاعر و سماجی شخصیت “بشارت ریحان” نے کیا، جس میں پاکستان اور امریکہ سے خصوصی طور پر تشریف لائے ہوئے خصوصی مہمانان گرامی، اور مقامی معزز شخصیات نے شرکت کی۔ یہ محفل نہ صرف دوستی اور بھائی چارے کا مظہر تھی، بلکہ اس میں پاکستانی ثقافت، روایات اور مشترکہ اقدار کو بھی اجاگر کیا گیا۔ بشارت ریحان نے اپنی دعوت میں پاکستانی اور کینیڈین ثقافت کے امتزاج کو پیش نظر رکھا۔ تقریب کا مقصد نہ صرف مہمانوں کے ساتھ خوشگوار لمحات گزارنا تھا، بلکہ اس کے ذریعے پاکستانی کمیونٹی کے درمیان روابط کو مزید مضبوط بنانا بھی تھا۔ اس موقع پر خصوصی طور پر پاکستان سے تشریف لائے ہوئے ساکنان شہر قائد کے منتظم اعلی محمود احمد خان نے شرکت کی، جنہوں نے تقریب کو اپنی موجودگی سے مزید معنویت بخشی۔ اور امریکہ سے یہ خاکسار بھی اس کینیڈا میں موجود تھی تو ہمیں بھی دعوت دی گئی۔دعوت میں دیگر معزز شخصیات میں روشن خیال، سردار خان، طارق راز، قیصر وجدی، سلمان اطہر، بشری سعید ، عبدالحئی اور ناظم الدین مقبول جیسے نام شامل تھے، جنہوں نے محفل کو اپنی شرکت سے نوازا۔ یہ تمام افراد اپنے اپنے شعبوں میں نمایاں مقام رکھتے ہیں اور پاکستانی کمیونٹی کی ترقی اور بہبود کے لیے سرگرم عمل ہیں۔ محمود احمد خان نے کینیڈا میں مقیم پاکستانیوں کی کاوشوں کو سراہا اور کہا کہ پاکستانی نسل ہمیشہ سے ہی محنت اور لگن کی پہچان رہی ہے۔ انہوں نے بشارت ریحان کے اس خوبصورت اہتمام پر انہیں مبارکباد پیش کی اور کہا کہ “ایسی تقریبات نہ صرف تعلقات کو مضبوط بناتی ہیں، بلکہ یہ پاکستانی ثقافت کو دنیا بھر میں متعارف کروانے کا بھی ایک ذریعہ ہیں۔” تدعوت کا اہتمام مقامی ہوٹل میں کیا گیا جہاں پاکستانی کھانوں کا ایک وسیع انتخاب پیش کیا گیا، جس میں بریانی، پائے، نہاری، حلیم، کباب، کڑھی، چھولے، اور مختلف قسم کے میٹھے شامل تھے۔ مہمانوں نے کھانوں کی تعریف کی اور اسے پاکستانی ذائقے کا بہترین عکس قرار دیا۔ دعوت کے اختتام پر بشارت ریحان نے تمام مہمانوں کا شکریہ ادا کیا اور کہا کہ ان کی موجودگی نے اس دعوت کو یادگار بنا دیا۔ آخر میں سب کی تصاویر لے کر اس خوبصورت شام کی یاد کو ہمیشہ کے لیے محفوظ کیا گیا۔بشارت ریحان کی جانب سے ٹورنٹو میں منعقد کی گئی یہ دعوت نہ صرف پاکستانی ثقافت اور روایات کی عکاس تھی، بلکہ اس نے پاکستانی کمیونٹی کے درمیان اتحاد اور بھائی چارے کو بھی فروغ دیا۔ اس تقریب نے یہ ثابت کیا کہ پاکستانی دنیا کے کسی بھی کونے میں ہوں، وہ اپنی روایات اور تہذیب سے جڑے رہنے والے بے حد مہمان نواز لوگ ہوتے ہیں۔ یہ محفل ایک بار پھر اس بات کی گواہ بنی کہ پاکستانی قوم محبت، یکجہتی اور خوش اسلوبی کی پیکر ہے۔ بشارت ریحان کا یہ اقدام قابل تعریف ہے اور امید کی جاتی ہے کہ مستقبل میں بھی ایسی تقریبات منعقد ہوتی رہیں گی، جو نہ صرف پاکستانیوں کے درمیان روابط کو مضبوط بنائیں گی، بلکہ کینیڈا جیسے ملک میں پاکستانی ثقافت کو فروغ دینے میں بھی اہم کردار ادا کریں گی۔
ٹورنٹو میں ریحان بشارت کی ًمحفل……حمیرا گل تشنہ
