رافیل طیارے نہیں گرے بھارت کا غرور ملیامیٹ ہوا، وزیر اطلاعات

اسلام آباد (کنزیو مر واچ نیوز)وفاقی وزیر اطلاعات عطا تارڑ کا کہنا ہے کہ رافیل طیارے نہیں بھارت کا غرور، ناز اور مورال گرا ہے، پاک فوج نے ایل او سی پر40 سے 50 بھارتی فوجی ہلاک کردیئے۔قومی اسمبلی اجلاس میں اظہار خیال کرتے ہوئے عطا تارڑ نے کہا کہ اس بار بھی فنٹاسٹک ٹی تیار تھی مگر دشمن بھاگ گیا ۔ اسی لیے ہوم ڈیلیوری کی۔ وزیر اطلاعات عطا تارڑ نے مزید کہا کہ پاکستان کی بہادر افواج نے دشمن کو ایل او سی پر بھی منہ توڑ جواب دیا۔ ایل او سی پر40 سے 50 بھارتی فوجی ہلاک کردیئے، بھارتی فوج نے سفید جھنڈے لہرائے۔ یہ پاکستان کی فتح کی نشانی تھی۔