میٹرو ا ادبی فورم ( کینیڈا) کے زیر اہتمام تقریب پذیرائی و مشاعرہ شعری مجموعہ (چلتے رہنا) شاعر عبدلحئی بشارت ، تقریب کا انعقاد ٹورنٹو کے مقامی ریسٹورنٹ کے پارٹی ہال میں کیا گیاتقریب کی مسند صدارت پر امریکا سے تشریف لائے نظم کے ممتاز شاعر اور امریکا میں ادب و زبان کے فروغ کے تعلق سے جانی پہچانی شخصیت جناب باسط جلیلی جلواہ افروز رہے،جبکہ مہمانان خصوصی میں نوجوان نسل کی نمایندہ شاعرہ جنہیں خصوصی طور پر امریکا سے مدعو کیا گیا یاد رہے کہ حمیرا گل تشنہ کینڈا کے ادبی حلقوں میں اپنی شاندار شاعری کے سبب بیحد پسند کی جاتی ہیں ، اسی طرح مہمانان خصوصی میں کینڈا سے اردو اخبار پاکستان ٹائم کے چیف، محمد ندیم شامل تقریب رہے محمد ندیم نہ صرف کینڈا سے اردو اخبار شائع کرتے ہیں بلکہ زبان و ادب کی خدمات کے تعلق سے ان کی کاوشات اہل کینڈا پر عیاں ہیں ،صدر تقریب اور مہمانان خصوی کے علاوہ
جن احباب کو مسند پر مدعو کیا گیا ان میں ممتاز شاعرہ اسما ناز وارثی اور آصف جاوید شامل رہے اسماناز وارثی نے صاحب اعزاز اور صاحب کتاب (چلتے رہنا) پر تادیر گفت گو فرمائی ان کے اظہار خیال کو خوب پسند کیا گیا اور سامعین نے خوب داد سے نوازہ
آصف جاوید جن کا کینیڈا میں قیام کم و بیش ۳۵ برس سے ہے، آصف جاوید نہ صرف صحافی ہیں بلکہ ٹی وی چینل پر میزبانی کے فرائض بھی ادا کرتے ہیں، اور دنیا بھر میں رہنے والے احباب انہیں ان کی سالانہ دعوت حلیم کے تعلق سے بھی جانتے ہیں آصف جاوید کینڈا میں سالانہ سب سے بڑی دعوت حلیم کا اہتمام کرتے ہیں ان کی دعوت حلیم میں تمام مکاتب فکر سے وابسطہ احباب ہزاروں کی تعداد میں اپنی شرکت یقین بناتے ہیں اور کینڈا میں مقیم احباب ان کی سالانہ دعوت حلیم کے منتظر رہتے ہیں۔ آصف جاوید نے صاحب کتاب اور کتاب پر شاندار گفت گو فرمائی اور صاحب کتاب کو مبارک باد پیش کی، تقریب کے دوسرے حصے میں مشاعرے کا اہتمام کیا گیا مشاعرے میں امریکا اور ٹورنٹو سے اہم شعرا کو مدعو کیا گیا مشاعرے میں شریک شعرا کرام کے اسم گرامی: صدر مشاعرہ باسط جلیلی مہمانان خصوصی حمیرا گل تشنہ، محمد ندیم، مہمانان اعزاز میں جمیل قمر، اسماناز وارثی ، قیصر وجدی رفیع رضا، ندیم رشید، منیف اشہر، بشارت ریحان،سلمان اطہر، ڈاکٹر صغیر، ڈاکٹر عظمی محمود، فیصل عظیم، توقیر اے خان، بابر عطا، سلیم افتخار بیگ ، صبیحہ خان صبیحہ ، انصر قریشی ،بشری سعید، خالد و بیگم خالد و دیگر نے کلام پیش کیااختام مشاعرہ باسط جلیلی نے صاحب کتاب بشارت عبدحئ کو اشاعت مجموعہ پر مبارک باد پیش کی اور اپنا شاندار کلام پیش کیا، کینینڈا کی ہر دل عزیز شخصیت اور کئی ادبی تنظیموں کے ڈائریکٹر باکمال شاعر بشارت ریحان ، نے صاحب کتاب کو مبارک باد پیش کی اور میٹرو ۱ ادبی فورم کے کارکن قیصر وجدی کو شاندار تقریب کے انعقاد پر خوب سراہا، اختام تقریب میٹرو ۱ ادبی فورم کی جانب سے مہمانان کی خدمت میں شاندار پرتکلف و پر ذائقہ عشائیہ پیش کیا گیا، میٹرو ۱ ادبی فورم سے وابسطہ قیصر وجدی، نے میٹرو ۱ نیوز کے ڈائرکٹر امیر علی چانڈیو، اور سی ای او عامر مسعود شیخ کے تعاون کا شکریہ ادا کیااور کہا کہ میٹرو ۱ ادبی فورم آئندہ بھی ادبی تقریبات کا انعقاد یونہی جاری رکھے گا اور کہا کہ ادبی تقریبات کا انعقاد ہمارا کاروبار نہیں عبادت ہے، اس خوبصورت اظہار خیال کے بعد تقریب پذیرائی و مشاعرہ اپنی شاندار یادوں کے ساتھ اختتام پذیر ہوا
عبدالحئی بشارت کے شعری مجموعہ کی تقریب رونمائی اور مشاعرہ
