تھرپارکر: لڑکی کو قتل کرکے کنویں میں پھینکنے کا کیس، ایک اور ملزم گرفتار

تھرپارکر (کنزیومر واچ نیوز)تھرپارکر میں 3 ماہ قبل لڑکی کو قتل کرکے کنویں میں پھینکنے کے کیس میں ایک اور شخص کو گرفتار کرلیا گیاپولیس کے مطابق واقعہ تحصیل نگرپارکر کے نواحی گائوں نیباڑو میں 3 ماہ قبل پیش آیا جہاں رات کو سوئی ہوئی لڑکی دھانی کپری کو غیرت کے نام پر باپ اور بھائی نے کلہاڑی کے وار کرکے قتل کیا اور لاش قریبی کنویں میں پھینک کر واقعہ کو خودکشی کا رنگ دیا۔رپورٹ کے مطابق لڑکی کی ماں نے اپنے بھائی اور مقتولہ کے ماموں کو ماجرا بتایا جس پر لڑکی کے ماموں نے واقعے کی اطلاع پولیس کو دی، پولیس نے لاش کو پوسٹ مارٹم کے لیے نگرپارکر اسپتال منتقل کیا جب کہ لڑکی کے باپ بادل کپری اوربھائی میر حسن کو گرفتار کرکے قتل کا مقدمہ درج کرلیا۔پولیس کے مطابق مقتولہ کے ماموں نے ایف آئی آر میں لڑکی کے محلے کے لڑکے سے جنسی تعلقات کےبارے میں لکھوایا۔پولیس کی جانب سے فارنزک کیمیکل اور ڈی این ای رپورٹ کے لیے اجزاء لیبارٹری کے بھیجے گئے جہاں سے 3 ماہ بعد گزشتہ روز ڈی این اے رپورٹ جاری کی گئی جس میں تصدیق کی گئی ہےکہ لڑکی 5 ماہ کی حاملہ تھی۔پولیس کا کہنا ہےکہ لڑکی کے حمل کا ڈی این اے محلے کے ایک لڑکے قاسم سے میچ ہوا جسے گرفتار کرلیا گیا۔پولیس کے مطابق ملزم قاسم نے عدالت میں بیان دیا کہ اس کے لڑکی سے گزشتہ 3 سال سے جنسی تعلقات تھا جس پر عدالت نے لڑکے کو جیل بھیج دیا۔