ممبی (کنزیومر واچ نیوز)بھارت میں اسپتال جاتے ہوئے بےہوش خاتون کو ایمبولینس میں مبینہ اجتماعی زیادتی کا نشانہ بنادیا گیا۔بھارتی میڈیا کے مطابق ریاست بہار کے گاؤں بودھ گیا میں پولیس میں بھرتی کیلئے ٹیسٹ کا انعقاد کیا گیا جہاں ٹیسٹ کیلئے دوڑ میں شریک ہونے والی 26 سالہ خاتون امید وار بےہوش ہوگئی جسے طبی امداد کیلئے اسپتال روانہ کیا گیا۔رپورٹس میں بتایا گیا ہے کہ اسپتال جاتے ہوئے خاتون امیدوار کو ڈرائیور اور ٹیکنیشن نے مبینہ طور پر اجتماعی زیادتی کا نشانہ بنایا۔خاتون کے اہل خانہ نے پولیس کو شکایت درج کروائی کہ بھرتی کے لیے صرف خواتین امیدواروں کے آنے کے باوجود ایمبولینس میں کوئی خاتون عملہ نہیں تھا۔پولیس کے مطابق واقعے کے بعد ملزمان کی شناخت کرکے انہیں گرفتار کرلیا جب کہ خاتون کا بیان قلم بند کرنے کے بعد طبی معائنہ بھی کروایا گیا ہے۔
بھارت:ے ہوش خاتون سے ایمبولینس میں اجتماعی زیادتی
