اے آئی پر مبنی رسک مینجمنٹ سسٹم جلد فعال کرانے کا فیصلہ

اسلام آباد(کنزیومر واچ نیوز)پاکستان اپنے کسٹمز کلیئرنس عمل میں مصنوعی ذہانت (اے آئی) پر مبنی رسک مینجمنٹ سسٹمز متعارف کرانے جا رہا ہے یہ پیشرفت منگل کو کسٹمز انسپکشن اور فیس لیس نظام کے جائزہ اجلاس کے دوران سامنے آئی۔وزیراعظم نے کہا کہ کسٹم کے نظام کی بہتری اور جدت کا مقصد برآمدات اور درآمدات سے منسلک کاروباری افراد کو سہولت بہم پہنچانے کے ساتھ ملکی محاصل میں اضافہ کرنا ہے۔ کسٹم جانچ پڑتال اور جائزہ نظام کیلئے انتظامی کارروائیوں میں درکار وقت کو کم سے کم کیا جائے۔ وزیراعظم شہباز شریف نے حکام کو ہدایت دی کہ کسٹمز اسیسمنٹ پر تاجروں کی جانب سے دائر کی جانے والی نظرثانی کی اپیلوں کی سماعت کے لیے غیر جانبدار افسران کی خدمات حاصل کی جائیں۔اجلاس کے دوران وزیراعظم کو کسٹمز انسپکشن اور اسیسمنٹ میں اب تک کیے گئے اقدامات سے آگاہ کیا گیا۔انہیں بتایا گیا کہ جلد ہی اے آئی پر مبنی رسک مینجمنٹ سسٹم بھی فعال کردیا جائے گا۔اجلاس کو بتایا گیا کہ کسٹم کے اسکینرز کے ذریعے جانچ پڑتال میں مصنوعی ذہانت کے استعمال سے کسٹم کلیئرنس میں درکار وقت میں کمی آرہی ہے۔