شارجہ (کنزیومر واچ نیوز) ایشیا کپ کرکٹ سے قبل پاکستان اور بھارتی کرکٹرز کے درمیان کشیدگی دیکھنے میں آ رہی ہے، بھارتی کرکٹ بورڈ نے واضح کیا ہے کہ ایشیا کپ میں ضرور کھیلیں گے لیکن حکومتی پالیسی کے تحت دشمن ملک کے خلاف دوطرفہ مقابلے میں حصہ نہیں لے سکتے۔ ماضی میں پاک بھارت میچوں کے دوران گراؤنڈ میں کشیدگی ضرور ہوتی تھی لیکن فیلڈ سے باہر کھلاڑیوں کے تعلقات دوستانہ رہتے تھے تاہم مئی میں جنگ کے بعد صورتحال یکسر بدل گئی ہے۔ دبئی میں 14 ستمبر کو پاک بھارت میچ ہوگا اور اس سے قبل 6 ستمبر کو دونوں ٹیموں نے آئی سی سی اکیڈمی میں ایک ہی گراؤنڈ میں تین گھنٹے پریکٹس کی مگر کھلاڑیوں میں واضح دوریاں دیکھی گئیں اور ایک دوسرے سے مصافحہ تک نہ کیا۔
ایشیا کپ سے قبل پاک بھارت کرکٹرز میں کشیدگی، کھلاڑیوں نے مصافحہ تک نہ کیا
