عمران خان سیاست نہیں، فتنہ و انتشار چاہتے ہیں، رانا ثنااللہ

لاہور (کنزیومر واچ نیوز): وزیراعظم کے مشیر برائے سیاسی امور رانا ثنااللہ نے کہا ہے کہ عمران خان اور ان کے چند ساتھی ملک میں سیاست نہیں بلکہ فتنہ، فساد اور انتشار چاہتے ہیں۔ میڈیا سے گفتگو میں انہوں نے کہا کہ پی ٹی آئی کا رویہ غیر جمہوری اور غیر سیاسی ہے، یہ جماعت بطور پالیسی گالم گلوچ اور انتشار کا کلچر اپنائے ہوئے ہے۔ ان کا کہنا تھا کہ وزیراعظم نے بارہا اپوزیشن کو مذاکرات کی دعوت دی لیکن پی ٹی آئی نے ہمیشہ راہ فرار اختیار کی۔ رانا ثنااللہ نے مزید کہا کہ قوم کو طاقت کے ساتھ ایسے رویوں کو روکنا ہوگا، جبکہ علیمہ خان پر حملے کی بھی مذمت کی جاتی ہے۔